உடலுக்கு ஆரோக்கியம் தரும் தினை அல்வா செய்வது எப்படி?

செய்ய தேவையான பொருட்கள்: 

தினை அரிசி மாவு -200 கிராம், 

வெல்லம் -200 கிராம் 

ஏலக்காய் தூள்- அரை தேக்கரண்டி

சுக்குத்தூள்- 2சிட்டிகை 

முந்திரி, திராட்சை , பாதாம் பருப்பு - தலா 10 கிராம்

நெய்- 100 கிராம்

 எவ்வாறு செய்யவேண்டும்: 

தினை அரிசி மாவுடன் வெல்லம், தண்ணீர் சேர்த்து தோசை மாவு பதத்துக்கு கரைத்துக்கொள்ளவும், சட்டியில் சிறிது நெய் விட்டு சூடாக்கி, கரைத்து வைத்துள்ள மாவை சிறிது சிறிதாக விட்டு நன்றாக கிளறவும். கட்டியாகாமல் பார்த்துக்கொள்ளவும். இடைவிடாமல் சிறிது சிறிதாக நெய் சேர்க்கவும். அல்வா சட்டியில் ஒட்டாமல் வரும்போது, நெய்யில் வறுத்த முந்திரி, பாதாம், திராட்சை, சுக்குத்தூள் மற்றும் ஏலக்காய் தூள் தூவி இறக்கவும். இப்போது சுவையான தினை அல்வா ரெடி.