சமீபத்தில் அமேசான் ப்ரைமில் வெளியான ரிங்ஸ் ஆப் பவர் 24 மணி நேரத்தில் அதிகமானோரால் பார்க்கப்பட்டு சாதனை படைத்துள்ளது.
ஆங்கிலத்தில் ஜே.ஆர்.ஆர் டோல்கியன் எழுதிய “லார்டு ஆப் தி ரிங்ஸ்” நாவலை தழுவி முன்னதாக “லார்டு ஆப் தி ரிங்ஸ்”, “ஹோபிட்” ஆகிய பட வரிசைகள் வெளியாகின.
உலகம் முழுவதும் பிரபலமான இந்த கதையின் முன்கதையாக “ரிங்ஸ் ஆப் பவர்” வெப்சிரிஸ் தற்போது அமேசான் ப்ரைமில் வெளியாகியுள்ளது. பெரிதும் எதிர்பார்க்கப்பட்ட இந்த வெப்சிரிஸ் வெளியான 24 மணி நேரத்திற்குள் 25 மில்லியன் பார்வையாளர்களால் பார்க்கப்பட்டு சாதனை படைத்துள்ளது.
இதுவரை அமேசான் ப்ரைமில் வெளியான வெப்சிரிஸ்களில் முதல் 24 மணி நேரத்திற்குள் அதிக பேரால் பார்க்கப்பட்ட ஆல் டைம் ரெக்கார்டை “ரிங்ஸ் ஆப் பவர்” பெற்றுள்ளது. தமிழ், இந்தி, ஆங்கிலம், தெலுங்கு உள்ளிட்ட பல மொழிகளில் வெளியாகியுள்ள இந்த தொடரின் அடுத்தடுத்த எபிசோடுகள் வாரம்தோறும் வெள்ளிக்கிழமை வெளியாகின்றது.
