ஜேம்ஸ் கேமரூன் இயக்கத்தில் வெளியாகியுள்ள அவதார் 2 படம் இரண்டே நாட்களில் இந்தியாவில் மட்டும் ரூ.100 கோடி வசூலை நெருங்கியுள்ளது.
பிரபல ஹாலிவுட் இயக்குனர் ஜேம்ஸ் கேமரூன் இயக்கத்தில் உருவாகி வெளியாகியுள்ள படம் ‘அவதார்: தி வே ஆப் வாட்டர்’. கடந்த 2009ல் வெளியாகி பெரும் ஹிட் அடித்த அவதார் படத்தின் இரண்டாம் பாகமான இந்த படத்திற்கு பெரும் எதிர்பார்ப்பு நிலவி வந்தது.
இந்நிலையில் இரண்டு நாட்கள் முன்னதாக வெளியான அவதார் 2 உலகம் முழுவதும் பெரும் வசூலோடு வெற்றிகரமாக ஓடி வருகிறது. டிசம்பர் 16ம் தேதி தொடக்க நாளில் மட்டும் இந்தியா முழுவதும் ரூ.40.50 கோடி ரூபாயை அவதார் 2 வசூல் செய்துள்ளது. மார்வெலின் அவெஞ்சர்ஸ் எண்ட் கேம் தனது முதல் நாளிலேயே ரூ.53 கோடி வசூல் செய்திருந்தது.
இரண்டாம் நாளில் அவதார் 2 தகவல்களின்படி ரூ.46 கோடி வரை வசூல் செய்துள்ளது. இரண்டே நாட்களில் ரூ.100 கோடியை அவதார் 2 நெருங்கியுள்ள நிலையில் முதல் வார வசூல் ரூ.200 கோடியை தாண்டலாம் என எதிர்பார்க்கப்படுகிறது. அவதாரின் முதல் வார வசூல் அவெஞ்சர்ஸ் வசூலை முறியடிக்குமா என்ற எதிர்பார்ப்பும் உள்ளது.