சிவராத்திரி என்பது சிவனை போற்றுவதற்கான முக்கியமான நாள். இது ஐந்து விதமாக வகைப்படுத்தப்பட்டுள்ளது.
நித்திய சிவராத்திரி – ஒவ்வொரு மாதத்திலும் கிருஷ்ணபட்சம் மற்றும் சுக்லபட்சம் சதுர்த்தசி நாளில் வரும். இது மாதத்திற்கு இரண்டு முறை அமைவதால், தொடர்ந்து 24 முறை அனுஷ்டிக்க வேண்டும்.
பட்ச சிவராத்திரி – தை மாதத்தில், கிருஷ்ணபட்ச பிரதமை முதல் 13 நாட்கள் ஒரே நேரம் மட்டும் உணவு உட்கொண்டு, 14-ஆம் நாள் முழுவதுமாக உபவாசம் இருப்பது.
மாத சிவராத்திரி – ஒவ்வொரு மாதத்திலும் ஒரு குறிப்பிட்ட திதியில் வரும். மாதத்திற்கேற்ப கிருஷ்ணபட்சம் அல்லது சுக்லபட்சத்தில் நடைபெறுகிறது.
யோக சிவராத்திரி – திங்கட்கிழமை அன்று, முழு நாளும் இரவும் அமாவாசையாக பொருந்தி வந்தால், அது யோக சிவராத்திரி என்று அழைக்கப்படுகிறது.
மகா சிவராத்திரி – அனைத்து சிவராத்திரிகளிலும் மிக முக்கியமானது. இது ஆண்டு தோறும் ஒருமுறை மட்டும் வரும். இந்நாளில் விரதம் இருந்து சிவனை வணங்குவது எல்லா விதமான பாவங்களையும் நீக்கி, நல்வாழ்வை அளிக்கும்.
