தொண்டை வலிக்கு சில எளிய வீட்டு வைத்தியங்கள்!

தொண்டை வலி மற்றும் தொண்டை கரகரப்புக்கு உடனடியாக நிவாரணம் அளிக்கும் சில எளிய வீட்டு வைத்தியங்கள் இங்கே கொடுக்கப்பட்டுள்ளன. இவற்றைச் செய்து பார்ப்பதன் மூலம் தொண்டை வலியை எளிதாகக் குணப்படுத்தலாம்.

எளிய வைத்திய முறைகள்:

உப்பு நீர்: ஒரு டம்ளர் வெதுவெதுப்பான நீரில் அரை டேபிள் ஸ்பூன் உப்பு சேர்த்து வாய் கொப்பளிக்கவும். இது தொண்டையில் ஏற்படும் வீக்கத்தைக் குறைக்கும்.

தேன் கலந்த நீர்: தேன், எலுமிச்சைச் சாறு கலந்த வெதுவெதுப்பான நீரைக் குடிக்கலாம். இது தொண்டையில் உள்ள புண்களை ஆற்றவும், கரகரப்பைப் போக்கவும் உதவும்.

இஞ்சி சாறு: சிறிதளவு இஞ்சியைப் பொடித்து, அதை நீரில் கொதிக்க வைத்து வடிகட்டிக் குடிக்கலாம். இது தொண்டையில் உள்ள எரிச்சலையும் புண்களையும் நீக்கும்.

துளசி: துளசி இலைகளை நீரில் கொதிக்க வைத்து அருந்தலாம் அல்லது வெறும் துளசி இலைகளை மென்று சாப்பிடலாம். இது தொண்டை வலியை உடனடியாகக் குறைக்கும்.

கிராம்பு டீ: கிராம்பு, மிளகு, ஏலக்காய் போன்றவற்றைச் சேர்த்துத் தயாரிக்கப்பட்ட டீயை அருந்துவது தொண்டைக்கு இதமளிக்கும்.

ஆவி பிடித்தல்: ஒரு பாத்திரத்தில் சூடான நீர் ஊற்றி, அதில் சில துளிகள் யூகலிப்டஸ் எண்ணெய் சேர்த்து ஆவி பிடிப்பது, தொண்டையில் உள்ள சளியை நீக்க உதவும்.

இந்த எளிய முறைகளைப் பின்பற்றியும் தொண்டை வலி குறையவில்லை என்றால், அல்லது தீவிரமான காய்ச்சல் இருந்தால், உடனடியாக மருத்துவரை அணுகுவது அவசியம்.

Edited by Mahendran