இயற்கையாகவே சருமத்தை ஜொலிக்க வைக்கும் பழங்கள்!

உங்கள் சருமத்திற்கு இயற்கையான பளபளப்பைக் கொண்டுவர, சில அற்புதமான பழங்கள் கை கொடுக்கின்றன. அவற்றைப் பற்றி இங்கே பார்ப்போம்.

தர்பூசணி: இந்த நீர்ச்சத்து நிறைந்த பழம், சருமத்திற்கு ஈரப்பதத்தையும், புத்துணர்வையும் அள்ளிக் கொடுக்கும். குறிப்பாக, எண்ணெய் பசை சருமம் மற்றும் முகப்பருப் பிரச்சனை உள்ளவர்கள் இதைத் தொடர்ந்து சாப்பிட்டு வந்தால், முகம் ஜொலிக்கத் தொடங்கும்.

ஆரஞ்சு: சரும அழகுக்கு ஒரு மாயாஜாலம் செய்யும் பழம் ஆரஞ்சு. இதில் உள்ள வைட்டமின் சி மற்றும் ஆன்டி ஆக்ஸிடன்ட்கள், சூரியனின் புற ஊதாக் கதிர்களிலிருந்து சருமத்தைப் பாதுகாக்கும். சரும அரிப்பு, வியர்வை போன்ற பிரச்சனைகளில் இருந்தும் காத்திடும்.

அவகேடோ: வைட்டமின்கள் (E, A, C, K, B6), நியாசின், ஃபோலேட் போன்ற அத்தியாவசிய சத்துக்கள் நிறைந்த பழம் அவகேடோ. இவை சருமத்தின் உள் அடுக்கிலிருந்து ஆரோக்கியமான வளர்ச்சியைத் தூண்டி, அழகைப் பன்மடங்கு மெருகேற்ற உதவும்.

எலுமிச்சை: எலுமிச்சை சருமத்திற்குப் பளபளப்பு தருமா என நீங்கள் யோசிக்கலாம். ஆனால், இதில் இயற்கையாகவே நிறைந்திருக்கும் வைட்டமின் சி, உடலின் நச்சுக்களை வெளியேற்றி, சருமத்தைப் பாதுகாக்கும் சக்திவாய்ந்த ஆன்டி ஆக்ஸிடன்ட்டாகச் செயல்படுகிறது. இது சரும அழகை மேம்படுத்தும்.

Edited by Mahendran