சமீபத்தில் ஆப்பிரக்க நாடுகளுக்கு சுற்றுப்பயணம் மேற்கொண்ட பிரதமர் மோடி தான்சானியா நாட்டில் டிரம்ஸ் வாசித்தார். இதனை வைத்து இணையவாசிகள் குறும்புத்தனமான ஒரு இசைக்கலவை வீடியோவை உருவாக்கி உள்ளனர்.
இயக்குநர், இசையமைப்பாளர், நடிகர் என பல திறமைகளை கொண்ட விஜய.டி.ராஜேந்தர் ஒரு பேட்டியில் தன் வாயாலேயே டிரம்ஸ் வாசிப்பது போன்ற இசையை இசைத்துக் காட்டியிருந்தார்.
தற்போது அதனையும், பிரதமர் மோடி தான்சானியா பிரதமர் காசிம் மஜாலிவா உடன் டிரம்ஸ் வாசித்த காட்சியையும் இணைத்து நெட்டிசன்கள் புதிய வீடியோ ஒன்றை உருவாக்கியுள்ளனர்.
ஏற்கனவே பிரதமர் மோடி டிரம்ஸ் வாசித்த வீடியோ இணையத்தில் வைரலாக பரவியது. இந்நிலையில் இணையவாசிகள் உருவாக்கி உள்ள இந்த வீடியோவும் வைரலாக பரவி வருகிறது.
