Publish Date: Sat, 03 Feb 2018 (14:42 IST)
Updated Date: Sat, 03 Feb 2018 (14:58 IST)
இந்தியாவின் முன்னணி வர்த்தக நிறுவனங்களான அமேசான் மற்றும் ப்ளிப்கார்ட் மத்தியில் கடும் போட்டி நிலவி வருகிறது. இதில் அமேசான் நிறுவனத்தின் கடந்த ஆண்டு வெளிநாட்டு வணிகம் 919 மில்லியன் டாலர்.
குறிப்பாக அமேசான் பிரைம் சேவை வேகமாக வளர்ந்து வருகிறது. 2016-ல் பிரைம் சேவைக்கு ரூ.499 கட்டணம் வசூலித்து வந்த நிலையில், 2017-ல் ரூ.999 ஆக உயர்த்தியது. கடந்த ஆண்டு பிளிப்கார்ட் ஜப்பானின் சாப்ட் பேங்க்கிடம் இருந்து 4 பில்லியன் டாலர் முதலீடு பெற்றது. அமேசான் நிறுவனம் இந்தியா பிரிவுக்காக ரூ.8,150 கோடியை முதலீடு செய்தது.
ப்ளிப்கார்ட்டுடன் போட்டி போட்டு செயல்படுவதால் அமேசான் நிறுவனத்திற்கு 2016 ஆம் ஆண்டு 1.28 பில்லியன் டாலர் நஷ்டம் ஏற்பட்டது. தற்போது 2017 ஆம் ஆண்டு 3 பில்லியன் டாலர் நஷ்டம். இருப்பினும் இந்தியாவில் தங்கள் வர்த்தகத்தை அதிகரிப்பதற்கு நல்ல வாய்ப்பு இருப்பதாக அமேசான் நிறுவனம் நம்பிக்கை தெரிவித்துள்ளது.
