ஜியோவுக்கு போட்டியாக ஏர்டெல் நிறுவனம், ரூ.244க்கு தினமும் 1 ஜிபி விதம் 70 நாட்களுக்கு 70 ஜிபி வழங்க திட்டமிட்டுள்ளது.
ஜியோவுக்கு எதிராக ஏர்டெல் மற்றும் வோடாபோன் நிறுவனங்கள் அதிரடி சலுகை வழங்கியதை அடுத்து ஜியோ தனது வாடிக்கையாளர்களை தக்கவைத்துக் கொள்ள ரூ.309க்கு 3 மாதம் இலவச கால்ஸ் மற்றும் டேட்டா வழங்கியது குறிப்பிடத்தக்கது.
இந்நிலையில் ஜியோவுக்கு போட்டியாக ஏர்டெல் நிறுவனம் தற்போது அதிரடியான சலுகைகளை வழங்கியுள்ளது. இந்த சலுகை ஏர்டெல் ப்ரீபெய்ட் வாடிக்கையாளர்களுக்கு மட்டுமே பொருந்தும்.
ரூ.244க்கு தினமும் 1 ஜிபி முதல் 70 நாட்களுக்கு 70 ஜிபி மற்றும் வாரம் 1200 நிமிடங்கள் இலவச வாய்ஸ் கால்ஸ் இலவசமாக வழங்க திட்டமிட்டுள்ளது. இந்த சலுகை 4ஜி ஸ்மார்ட்போன் மற்றும் 4ஜி சிம் வைத்திருப்போருக்கு மட்டுமே பொருந்தும் என்பது குறிப்பிடத்தக்கது.
