2024 ஆம் ஆண்டு இந்திய நட்சத்திர கிரிக்கெட் வீரர் கோலிக்கு ஒரு சோகமான ஆண்டாக உள்ளது. இந்த ஆண்டில் அவர் டெஸ்ட் மற்றும் ஒருநாள் போட்டிகளில் சராசரியாக 25 ரன்கள்தான் சேர்த்து வருகிறார். விரைவில் ஆஸ்திரேலியா அணிகளுக்கு எதிரான டெஸ்ட் போட்டி நடக்கவுள்ள நிலையில் கோலியின் ஃபார்ம் கவலையளிக்கிறது.
ஆனால் ஆஸ்திரேலியாவில் எப்போதுமே கோலி மிகச் சிறப்பாக விளையாடி ரன்களை சேர்த்து வந்துள்ளார். அதனால் அவர் தன்னுடைய ஃபார்மை மீட்டுக்கொள்ள இந்த தொடர் உதவும் எனத்தெரிகிறது. அதற்கேற்றார் போல முதல் டெஸ்ட்டில் மிகச்சிறப்பாக விளையாடி சதமடித்தார். ஆனால் இரண்டாவது டெஸ்ட்டில் சொதப்பினார்.
இந்நிலையில் கோலி பற்றி பேசியுள்ள இந்திய அணியின் முன்னாள் கேப்டன் கபில்தேவ் “நாம் பார்த்த கிரிக்கெட் வீரர்களில் பெஸ்ட் என்று சொல்லப்பட கூடியவர்களில் கோலியும் ஒருவர். தலைசிறந்த வீரர்களைப் பட்டியலிட்டால் அதில் கண்டிப்பாக கோலி இருப்பார்.” எனக் கூறியுள்ளார்.
