எவ்வளவோ திறமையான வீரர்கள் ஆர் சி பி அணிக்குள் வந்தும், கோலி போன்றவர்கள் திறமையாக அணியை வழிநடத்தியும், இன்னும் ஒருமுறை கூட அந்த அணிக் கோப்பையை வெல்லவில்லை. சில முறை பைனல் வரை சென்றும், அதிக முறை ப்ளே ஆஃப் வரை சென்றும் இன்னும் ஆர் சி பி யால் கோப்பையை வெல்ல முடியவில்லை.
கடந்த 2023 ஆம் ஆண்டு சீசனில் கூட ஆர் சி பி அணி சிறப்பாக விளையாடியும் ப்ளே ஆஃப்க்கு செல்ல முடியவில்லை. இந்நிலையில் அடுத்த ஆண்டு எப்படியும் ஆர் சி பி அணி கப் அடித்துவிடும் என்ற எதிர்பார்ப்பில் இருக்கும் ஆர் சி பி அணிக்கு அதிர்ச்சிகரமான செய்தி ஒன்று வெளியாகியுள்ளது.
இந்நிலையில் டிசம்பர் 19 ஆம் தேதி ஐபிஎல் மினி ஏலம் நடக்க உள்ள நிலையில் ஒவ்வொரு அணியும் தங்கள் அணியில் உள்ள வீரர்களை தக்கவைத்தல் மற்றும் கழட்டிவிடுதல் உள்ளிட்ட பணிகளில் ஈடுபட்டு வருகின்றன. இந்நிலையில் ஆர் சி பி அணியில் கடந்த சீசனில் தொடர்ந்து சொதப்பி வந்த தினேஷ் கார்த்திக்கை இந்த முறை ஆர் சி பி அணி கழட்டிவிட முடிவு செய்துள்ளதாக சொல்லப்படுகிறது. இது குறித்த அறிவிப்பு நாளை மாலை வெளியாகும் என எதிர்பார்க்கப்பட்டுள்ளது.
