ஆஸ்திரேலிய அணியின் சுழல்பந்து வீச்சாளரான நாதன் லயன் தற்போது கிரிக்கெட் விளையாடும் சுழல்பந்து வீச்சாளர்களில் சிறந்த பந்துவீச்சாளர்களில் ஒருவராக இருக்கிறார். சமீபத்தில் அவர் 100 டெஸ்ட் போட்டிகளை விளையாடி மைல்கல்லை எட்டினார்.
தற்போது நியுசிலாந்து அணிக்கெதிராக நடந்து வரும் டெஸ்ட் தொடரில் விளையாடி வரும் அவர் முதல் டெஸ்ட் போட்டியில் 10 விக்கெட்களை வீழ்த்தி அசத்தினார். இதன் மூலம் நியுசிலாந்து மண்ணில் ஒரு டெஸ்ட் போட்டியில் 10 விக்கெட்கள் வீழ்த்திய முதல் ஆஸ்திரேலிய பந்துவீச்சாளர் என்ற சாதனையை நிகழ்த்தியுள்ளார்.
மேலும் அவர் டெஸ்ட் போட்டிகளில் அதிக விக்கெட்கள் வீழ்த்திய பவுலர்கள் வரிசையில் வெஸ்ட் இண்டீஸ் ஜாம்பவான் கோர்ட்னி வால்ஷை முந்தி ஏழாவது இடத்துக்கு முன்னேறியுள்ளார். முதலிடத்தில் முத்தையா முரளிதரன் 800 விக்கெட்களோடு முதலிடத்தில் உள்ளார் என்பது குறிப்பிடத்தக்கது.