நேற்று நடந்த உலக கோப்பை போட்டியில் இந்தியா – இலங்கை அணிகள் மோதிய நிலையில் இந்திய அணி 302 ரன்கள் வித்தியாசத்தில் இலங்கையை வீழ்த்தியது. இந்த போட்டியில் 18 ரன்கள் மட்டுமே விட்டுக்கொடுத்து 5 விக்கெட்களை வீழ்த்திய முகமது ஷமி ஆட்டநாயகனாக தேர்வு செய்யப்பட்டார்.
போட்டிக்குப் பின்னர் பேசிய அவர் “எங்கள் பந்துவீச்சு நல்ல நிலையில் உள்ளது மற்றும் நாங்கள் இருக்கும் விதமான ரிதத்தை எல்லோரும் ரசிக்கிறார்கள், ஒவ்வொருவரும் ஒருவருக்கொருவர் வெற்றிக்காக மகிழ்ச்சியாக இருக்கிறார்கள், அதைவிட முக்கியமாக, நாங்கள் ஒரு யூனிட்டாக சிறப்பாக பந்துவீசுகிறோம். நான் எப்போதும் நல்ல பகுதிகளில் பந்துவீசவும், நல்ல ரிதத்தில் இருக்கவும் முயற்சிப்பேன். பெரிய போட்டிகளில், ஒருமுறை ரிதம் போய்விட்டால், அதை திரும்பப் பெறுவது மிகவும் கடினமானது.
மிக்க மகிழ்ச்சி (உலகக் கோப்பைகளில் இந்தியாவின் சார்பாக அதிக விக்கெட்டுகளை வீழ்த்திய வீரராக ஆனதில்) வெள்ளைப் பந்து கிரிக்கெட்டில் ரிதமாக இருப்பது மற்றும் நல்ல பகுதிகளில் வீசுவது மிகவும் முக்கியம். எனக்கு லெந்த் மிகவும் முக்கியமானது. கூட்டத்தினரிடம் இருந்து எங்களுக்கு கிடைக்கும் ஆதரவுக்கு அவர்கள் ஒவ்வொருவருக்கும் நான் நன்றி சொல்ல விரும்புகிறேன்” எனக் கூறியுள்ளார்
