தோல்வியிலும் ஒரு வரலாற்றுச் சாதனை படைத்த இந்திய அணி

நியூசிலாந்து அணிக்கு எதிரான இரண்டாவது ஒருநாள் போட்டியில் தோல்வி அடைந்ததன் மூலம் அதிக ஒருநாள் போட்டியில் தோல்வி அடைந்த அணி என்ற சாதனையை படைத்துள்ளது.

இந்தியா - நியூசிலாந்து அணிகள் மோதிய இரண்டாவது ஒருநாள் போட்டி டெல்லி பெரோஷ் ஷா கோட்லா மைதானத்தில் நடைபெற்றது. இதில் இந்திய அணி 6 ரன்கள் வித்தியாசத்தில் போராடி தோற்றது.

இதன் மூலம் அதிக ஒருநாள் போட்டியில் தோல்வி அடைந்த அணி என்ற சாதனையைப் படைத்தது. இந்திய அணி இதுவரை 901 போட்டிகளில் விளையாடி 455 வெற்றிகளையும், 400 தோல்விகளையும், 7 டிராவையும் 39 போட்டிகளில் முடிவு ஏதுமில்லாமலும் உள்ளது.

அதிக ஒருநாள் போட்டிகளில் வெற்றி அடைந்த அணி என்ற சாதனையை ஆஸ்திரேலியா அணி படைத்துள்ளது. 888 போட்டிகளில் விளையாடியுள்ள அந்த அணி, 547 வெற்றிகளையும், 300 தோல்விகளையும், 9 டிராவையும் 32 போட்டிகளில் முடிவு ஏதுமில்லாமலும் உள்ளது.