இஷான் கிஷானா? கே எல் ராகுலா? – கௌதம் கம்பீர் பரிந்துரைக்கும் வீரர்!­

ஆசியக்கோப்பை தொடர் இலங்கையில் தொடங்கி பரபரப்பாக நடந்து வருகின்றன. இதன் தகுதி சுற்று ஆட்டங்களில் முன்னதாக இந்தியா – பாகிஸ்தான் அணிகள் மோதிக் கொண்டபோது மழை குறுக்கிட்டது. இதனால் போட்டி பாதியுடன் நிறுத்தப்பட்டு புள்ளிகள் பிரித்து அளிக்கப்பட்டன.

இதையடுத்து நாளை சூப்பர் 4 சுற்றில் இந்தியா மற்றும் பாகிஸ்தான் அணிகள் மோதும் முக்கியமான போட்டி நடக்கிறது. இந்த போட்டிககான அணியில் ஆடும் லெவனில் இஷான் கிஷான் அல்லது கே எல் ராகுலில் யாரை விளையாட வைக்கப் போகிறார்கள் என்ற கேள்வி எழுந்துள்ளது.

இதுபற்றி பேசியுள்ள முன்னாள் வீரர் கம்பீர் “கே எல் ராகுல் காயத்தில் இருந்து மீண்டுள்ளதால் அவரை அணியில் இணைக்க, இஷான் கிஷானை நீக்கிவிடக் கூடாது. இஷான் கிஷான் தான் அணியில் இருக்க வேண்டிய அனைத்தையும் செய்துள்ளார். அணிக்குள் திறமையான ஒரு வீரரா அல்லது மூத்த வீரரா என்பதை அணிதான் முடிவு செய்யவேண்டும். ” என இஷான் கிஷானுக்கே முன்னுரிமை கொடுக்க வேண்டும் எனக் கூறியுள்ளார்.