இந்த நான்கு பேருக்கு தென் ஆப்பிரிக்கா தொடரில் வாய்ப்பு இருக்காது… இதுதான் காரணம்!

இந்திய அணி தென் ஆப்பிரிக்கா செல்ல உள்ள நிலையில் அதற்கான அணித்தேர்வு இன்று அறிவிக்கப்பட உள்ளது.

இந்திய அணி  டிசம்பர் 17 ஆம் தேதி முதல் தென் ஆப்பிரிக்காவில் சுற்றுப்பயணம் மேற்கொண்டு போட்டிகளில் விளையாடுகிறது. இதற்காக டிசம்பர் 8 ஆம் தேதி தென்னாப்பிரிக்கா செல்ல இருந்தது. இந்நிலையில் இப்போது தென் ஆப்பிரிக்காவில் பி.1.1.529 என்ற ஒமைக்ரான் கரோனா வைரஸ் கண்டுபிடிக்கப்பட்டுள்ளதால் திட்டமிட்டபடி அந்த தொடர் நடக்குமா என்ற கேள்வி எழுந்த நிலையில் 9 நாட்கள் தாமதமாக தொடர் தொடங்க உள்ளது.

இன்று மாலை 22 பேர் கொண்ட இந்திய அணி அறிவிக்கப்படும் என எதிர்பார்க்கப்படும் நிலையில் முக்கியமான நான்கு வீரர்கள் காயம் மற்றும் உடல்தகுதி காரணங்களால் அணியில் இடம் பிடிக்காமல் போகக் கூடும் என சொல்லப்படுகிறது. ரவிந்தரா ஜடேஜா, அக்ஸர் படேல், இஷாந்த் ஷர்மா மற்றும் ஷுப்மன் கில் ஆகிய நான்கு பேரும் இந்த தொடரை மிஸ் செய்ய வாய்ப்புள்ளதாக சொல்லப்படுகிறது.