பஞ்சாப் அணிக்கு பதிலடி கொடுக்குமா சென்னை அணி?

ஐ.பி.எல் இன்றைய ஆட்டத்தில் சென்னை சூப்பர் கிங்ஸ் - கிங்ஸ் லெவன் பஞ்சாப் அணிகள் மோதவுள்ளன.

ஐபிஎல் போட்டியின் இன்றைய 8.00 மணி ஆட்டத்தில் தோனி தலைமையிலான சென்னை அணியும், அஸ்வின் தலைமையிலான பஞ்சாப் அணியும் மோதுகின்றன. புனே ஸ்டேடியத்தில் இப்போட்டி நடைபெற உள்ளது.

சென்னை அணி ஏற்கனவே ப்ளே - ஆஃப் சுற்றிற்கு முன்னேறி விட்டது. இன்றைய டெல்லி - மும்பை ஆட்டத்தில் மும்பை அணி தோற்று அதேபோல் சென்னை உடனான ஆட்டத்தில் அதிக ரன் ரேட்டில் பஞ்சாப் அணி வெற்றி பெற்றால், ப்ளே ஆஃபிற்கு முன்னேற பஞ்சாப் அணிக்கு வாய்ப்புள்ளது.

சென்னை - பஞ்சாப் மோதிய கடைசி ஆட்டத்தில் பஞ்சாப் அணி வெற்றி பெற்றது. இன்றைய ஆட்டத்தில் பஞ்சாப் அணிக்கு பதிலடி கொடுக்க வேண்டும் என சென்னை அணியும் அதே போல் அதிக ரன் ரேட்டில் சென்னை அணியை தோற்கடித்து ப்ளே ஆஃபிற்கு முன்னேற வேண்டும் என்ற முனைப்புடன் இரு அணிகளும் உள்ளனர்.