சேஸிங் கிங்னா அது பஞ்சாப் கிங்ஸ்தான்..! மும்பை இந்தியன்ஸ் சாதனையை முறியடித்த பஞ்சாப்!

நேற்று நடந்த ஐபிஎல் போட்டியில் குஜராத் அணியை எதிர்கொண்ட பஞ்சாப் அணி கடைசி ஓவரில் த்ரில் வெற்றி பெற்றதுடன் புதிய சாதனை ஒன்றையும் படைத்துள்ளது.

நேற்று நடந்த ஐபிஎல் போட்டியில் குஜராத் டைட்டன்ஸ் அணி 199 ரன்களை குவித்த நிலையில் சேஸிங்கில் இறங்கிய பஞ்சாப் அணி 200 என்ற வெற்றி இலக்கை 19.5வது ஓவரில் அடைந்து சாதனை வெற்றி பெற்றது. இதன் மூலம் 4 போட்டிகளில் 2ல் வெற்றி, 2ல் தோல்வி என குஜராத், பஞ்சாப் அணிகள் சம அளவில் 4 புள்ளிகளில் நீடிக்கின்றன.

இந்த போட்டியின் மூலம் பஞ்சாப் கிங்ஸ் அணி புதிய சாதனையையும் படைத்துள்ளது. ஐபிஎல் போட்டிகளில் 200+ டார்கெட்டை சேஸ் செய்வது என்பது கடினமான காரியம். ஆனால் பஞ்சாப் நேற்றைய போட்டியுடன் சேர்த்து மொத்தம் 6 முறை 200+ ரன்களை வெற்றிகரமாக சேஸ் செய்துள்ளது. இதனால் 5 முறை 200+ ரன்களை சேஸ் செய்த மும்பை இந்தியன்ஸ் அணி இரண்டாம் இடத்திற்கு தள்ளப்பட்டுள்ளது. கொல்கத்தா நைட் ரைடர்ஸ் மற்றும் சென்னை சூப்பர் கிங்ஸ் இதுவரை 3 முறை 200 ரன் சேஸிங்கை செய்துள்ளன.

200+ ரன்கள் சேஸிங்கில் கடந்த ஆண்டு இதே குஜராத் டைட்டன்ஸை கொல்கத்தா அணி 205 ரன்களில் சேஸ் செய்ததுதான், இதுவரை ஐபிஎல்லில் நடந்த வெற்றிகரமான அதிகபட்ச சேஸிங் ஸ்கோர் ஆகும்.

Edit by Prasanth.K