நடிகை தீபிகா படுகோனே தனது கணவர் ரன்வீர் சிங் படத்தில் நடிக்க ரூ.13 கோடி சம்பளம் வாங்கியுள்ளதாக தகவல் வெளியாகியுள்ளது.
தீபிகா படுகோனேவின் கணவரும் நடிகருமான ரன்வீர் சிங் 83 என்ற படத்தில் நடித்து வருகிறார். இது 1983 ஆம் ஆண்டு இந்தியா கிரிக்கெட் அணி உலக கோப்பை வென்ற சம்பவத்தை தழுவி உருவாகும் படமாகும்.
இந்த படத்தில் கபில்தேவ் ஆக ரன்வீர் நடிக்கிறார். படத்தில் கபில்தேவ் மனைவியாக நடிக்க நாயகி தேவைப்பட்டது. எனவே, தீபிகாவிடம் இது குறித்து பேசப்பட்டது. ஆனால், தீபிகா சில நிமிட காட்சிகள் மட்டுமே என நடிக்க மறுத்துவிட்டாராம்.
இதைத்தொடர்ந்து படக்குழு தீபிகாவிற்கு ரூ.13 கோடி வரை சம்பளம் பேசப்பட்டதால் படத்தில் நடிக்க தீபிகா ஒப்புக்கொண்டாராம். அதோடு தயாரிப்பு செலவுகளையும் பார்த்துக்கொள்வதாகவும் செய்திகள் வெளியானது குறிப்பிடத்தக்கது.
