தீபிகா படுகோனே ரன்வீர் சிங் திருமணம் நவம்பர் 20 ந் தேதி நடக்க உள்ளதாக தகவல் வெளியாகியுள்ளது.
பாலிவுட்டில் முன்னணி நடிகையாக இருப்பவர் தீபிகா படுகோனே. இவர் ரஜினி நடித்த கோச்சடையான் படத்தின் மூலம் தமிழில் அறிமுகமானார். மேலும், இவர் ஹாலிவுட்டில் நடிகர் வின் டீசலுடன் சேர்ந்து xxx என்ற படத்திலும் நடித்துள்ளார்.
இவரும் பாலிவுட் சினிமாவில் முன்னணி நாயகனான ரன்வீர் சிங்கும் காதலித்து வருவதாக பரவலாக கூறப்பட்டு வந்தது. பிறகு பத்மாவத் படத்தில் இருவரும் ஒன்றாக சேர்ந்து நடித்த போது அவர்களுக்கு நெருக்கம் அதிகமானதாக பேசப்படுகிறது. இவர்களும் விருது நிகழ்ச்சிகள், தொலைக்காட்சி நிகழச்சிகள் என அனைத்திற்கும் ஒன்றாக சென்று வருகின்றனர்.
இதனால் தீபிகா படுகோனே - ரன்வீர் சிங் திருமணம் எப்போது நடக்கும் என்று ஒரு எதிர்பார்ப்பு நிலவி வந்தது.
இந்நிலையில் அவர்களது திருமணம் நவம்பர் 20ந் தேதி நடக்க உள்ளதாக இருவருக்கும் நெருக்கமானவர்கள் தெரிவித்துள்ளனர். மேலும் இந்த திருமணத்திற்கு 30 பேருக்கு மட்டுமே அழைப்பு விடுக்கப்பட்டுள்ளதாக தெரிகிறது.