62வது பிலிம்பேர் விருதுகள் வழங்கும் விழா விரைவில் தொடங்கவுள்ளது. அதனை ரிலையன்ஸ் நிறுவனத்தின் ஜியோ ஸ்பான்சர் செய்கிறது. அதற்கான பரிந்துரை பட்டியல் வெளியிடப்பட்டுள்ளது. அதில் நடிகர் ஆமிர்கானின் தங்கல் திரைப்படம் இடம் பெற்றுள்ளது.
மேலும் சிறந்த திரைப்படத்திற்கான பட்டியலில், தங்கல், கபூர் & சன்ஸ், நீரஜா, பிங்க், சுல்தான், உட்தா பஞ்சாப் ஆகிய படங்கள் இடம்பிடித்துள்ளன.
சிறந்த இயக்குநருக்கான பட்டியலில் உட்தா பஞ்சாப் படத்தை இயக்கிய அபிஷேக் சௌபே, சுல்தான் இயக்கிய அலி அப்பாஸ் ஜாபர், ஏ தில் ஹே முஷ்கில் இயக்கிய கரண் ஜோஹர், நீரஜா இயக்கிய ராம் மத்வானி, கபூர் & சன்ஸ் இயக்கிய சகுந்த் பத்ரா ஆகியோர் இடம்பிடித்துள்ளனர்.
சிறந்த நடிகருக்கான பட்டியலில் ஆமிர்கான்(தங்கல்), அமிதாப் பச்சன்(பிங்க்), ரன்பீர் கபூர்(ஏ தில் ஹே முஷ்கில்), சல்மான் கான்(சுல்தான்), ஷாருக்கான்(ஃபேன்), ஷாஹித் கபூர்(உட்தா பஞ்சாப்), சுஷாந்த் சிங் ராஜ்பூட்(தோனி) உள்ளனர்.
சிறந்த நடிகைக்கான பட்டியலில் ஐஸ்வர்யா ராய்(ஷரப் ஜித்), அலியா பட்(டியர் ஜிந்தகி), அலியா பட்(உட்தா பஞ்சாப்), அனுஷ்கா ஷர்மா(ஏ தில் ஹே முஷ்கில்), சோனம் கபூர்(நீரஜா), வித்யா பாலன்(கஹானி 2) இடம்பிடித்துள்ளனர்.
