நடிகர் இர்பான் கான் மறைவு! – அரசியல் பிரபலங்கள் அஞ்சலி!

புதன், 29 ஏப்ரல் 2020 (12:59 IST)
பிரபல பாலிவுட் நடிகர் இர்பான் கான் மறைவுக்கு அரசியல் பிரபங்களும், திரை பிரபலங்கள் பலரும் இரங்கல் தெரிவித்துள்ளனர்.

இந்திய திரைப்படங்களில் முக்கியமாக பாலிவுட் படங்களில் மிக சிறந்த நடிகராக அறியப்படுபவர் இர்பான் கான். முக்கியமான மாஸ் ஹீரோவாக இல்லாவிட்டாலும் கூட மதிப்பு மிக்க குணச்சித்திர பாத்திரங்களில் நடித்து புகழ்பெற்றவர். இவரது நடிப்பில் வெளியான லஞ்ச் பாக்ஸ், ப்ளாக்மெயில் போன்ற படங்கள் விமர்சனரீதியா வரவேற்பை பெற்றவை. இந்திய மொழிகளில் மட்டுமல்லாமல் ஹாலிவுட்டில் ஜுராசிக் வேர்ல்ட், லைஃப் ஆப் பை போன்ற படங்களில் நடித்து புகழ்பெற்றவர்.

கடந்த சில ஆண்டுகளாக குடல் புற்றுநோயால் பாதிக்கப்பட்டிருந்த இர்பான் கான் சிகிச்சை பலனின்றி உயிரிழந்தார். அவரது இறப்புக்கு அஞ்சலி செலுத்தியுள்ள காங்கிரஸ் முன்னாள் தலைவர் ராகுல் காந்தி ”இர்பான் கானின் இரங்கல் வருத்தத்தை ஏற்படுத்தியுள்ளது. பன்முக தன்மை கொண்ட சிறந்த நடிகரான அவர் உலகம் முழுவதிலும் அறியப்பட்ட இந்திய நடிகராவார், அவரை இழந்து வாடும் அவரது குடும்பத்திற்கு, ரசிகர்களுக்கும் எனது அஞ்சலிகள்” என்று தெரிவித்துள்ளார்.

மேலும் இந்திய கிரிக்கெட் வீரர் முகமது கெயிஃப், நடிகை பிரியங்கா சோப்ரா, அமிதாப் பச்சன், அக்‌ஷய் குமார், கியாரா அத்வானி உள்ளிட்ட பிரபங்களும் அவரது மறைவுக்கு இரங்கல் தெரிவித்து வருகின்றனர்.

வெப்துனியாவைப் படிக்கவும்

அடுத்த கட்டுரையில் அர்த்தராத்திரியில் குடைபிடித்தால் அற்பமில்லை: கொரோனா புதுமொழி கூறிய கஸ்தூரி