ரிஷி சுனக் கட்சி படுதோல்வியை சந்திக்கும்: பிரிட்டன் நாடாளுமன்ற தேர்தலின் கருத்து கணிப்பு..!

பிரிட்டன் நாடாளுமன்ற தேர்தல் தொடர்பான தேர்தலுக்கு பிந்தைய கருத்து  கணிப்பு முடிவுகள் வெளியாகியுள்ள நிலையில் அதில் பிரதமர் ரிஷி சுனக்கின் கன்சர்வேட்டிவ் கட்சி படுதோல்வியை சந்திக்கும் என குறிப்பிடப்பட்டுள்ளது.

கீர் ஸ்டார்மரின் தொழிலாளர் கட்சி பிரிட்டன் நாடாளுமன்ற தேர்தலில் அமோக  வெற்றி பெறும் என்றும், கீர் ஸ்டார்மரின் தொழிலாளர் கட்சி 410 தொகுதிகளில் வெற்றி பெற வாய்ப்பு என்றும், ரிஷி சுனக்கின் கன்சர்வேட்டிவ் கட்சி 131 இடங்களில் மட்டுமே வெற்றி பெறும் என்றும் கருத்து கணிப்பு தெரிவித்துள்ளது.

இந்த கருத்து கணிப்பு பலிக்கும் பட்சத்தில் பிரிட்டனில் 14 ஆண்டு  கன்சர்வேட்டிவ் கட்சியின் ஆட்சி முடிவுக்கு வரும் என தெரிகிறது.

பிரிட்டனில் உள்ள 650 நாடாளுமன்ற தொகுதிகளுக்கு நேற்று ஒரே நாளில் தேர்தல் நடந்தது.  ஆட்சியை பிடிக்க 326 இடங்களில் வெல்ல வேண்டும் எனும் நிலையில் தொழிலாளர்  கட்சிக்கு கருத்து கணிப்பு சாதகமாக உள்ள நிலையில் கருத்துக்கணிப்பு சரியாக இருக்குமா? என்பதை பொறுத்திருந்துதான் பார்க்க வேண்டும்.

பிரிட்டன் தேர்தல் நேற்று முடிவடைந்த நிலையில் இன்று ஓட்டு எண்ணிக்கை  விறுவிறுப்பாக நடந்து வருகிறது என்பது குறிப்பிடத்தக்கது.

Edited by Siva