11 வயது சிறுவன் பலாத்காரம்: அரைநிர்வாண பிணமாக மீட்பு!

அபுதாபியில் 11 வயது சிறுவன் ஒருவன் பாலியல் பலாத்காரம் செய்யப்பட்டு கொலை செய்யப்பட்ட சம்பவம் அதிர்சியை ஏற்படுத்தியுள்ளது. இந்த விவகாரத்தில் தற்போது சிசிடிவி வீடியோ ஒன்று வெளியாகி பரபரப்பை ஏற்படுத்தியுள்ளது.

அபுதாபியில் உள்ள மசூதி ஒன்றில் அசன் மஜித் ஜன்ஜுவா என்ற 11 வயது சிறுவன் ஒருவன் மதிய நேரத்தில் வழிபாட்டுக்காக சென்றுள்ளான். ஆனால் அந்த சிறுவன் அதன் பிறகு வீடி திரும்பவில்லை, மாயமாகி உள்ளான். இந்நிலையில் அந்த மாணவன் கடந்த 31-ஆம் தேதி அரைநிர்வாண பிணமாக கண்டெடுக்கப்பட்டான்.

அப்போது அந்த சிறுவன் பலாத்காரம் செய்யப்பட்டு கொலை செய்யப்பட்டிருக்கலாம் என கூறப்பட்டது. இந்நிலையில் தற்போது அந்த சிறுவனுடைய சிசிடிவி வீடியோ ஒன்று வெளியாகியுள்ளது. அந்த வீடியோ சிறுவன் மாயமாவதற்கு சில மணி நேரங்களுக்கு முன்னர் உள்ளது.

அதில் சிறுவனை கருப்பு நிற பர்தா அணிந்த நபர் ஒருவர் அங்குள்ள லிப்டில் அழைத்து செல்கிறார். அதன் பின் அந்த சிறுவனும் அந்த பர்தா அணிந்த மர்ம நபருடன் செல்கிறான். இதனையடுத்து போலீசார் கூறுகையில் அந்த நபர் பெண்ணாக இருக்க வாய்ப்பில்லை. அது ஆணாக தான் இருக்க முடியும் என்றனர். இந்நிலையில் சந்தேகத்தின் அடிப்படையில் ஒருவரை கைது செய்து விசாரித்து வருகின்றனர்.