இமான் இல்லையாம்… தொடரும் யுவன் சங்கர் ராஜா

‘சண்டக்கோழி’ இரண்டாம் பாகத்துக்கு, யுவன் சங்கர் ராஜாவே இசையமைக்கிறாராம்.

லிங்குசாமி இயக்கத்தில் விஷால், மீரா ஜாஸ்மின், ராஜ்கிரண் நடித்த படம் ‘சண்டக்கோழி’. 2005ஆம் ஆண்டு வெளியான இந்தப் படத்தின் இரண்டாம் பாகம், விரைவில் தொடங்க இருக்கிறது. ராஜ்கிரண் விஷாலின் அப்பாவாக நடிக்க, மீரா ஜாஸ்மினுக்குப் பதில் ஹீரோயினாக நடிக்கிறார் கீர்த்தி சுரேஷ்.

அத்துடன், வில்லியாக முக்கிய கேரக்டரில் நடிக்கிறார் வரலட்சுமி. இந்தப் படத்தின் இசையமைப்பாளராக டி.இமான் ஒப்பந்தம் செய்யப்பட்டதாகத் தகவல் வெளியானது. ஆனால், முதல் பாகத்துக்கு இசையமைத்த யுவன் சங்கர் ராஜாவே இரண்டாம் பாகத்துக்கும் இசையமைக்கிறார் எனத் தெரிவித்துள்ளார் லிங்குசாமி. ஆகஸ்ட் 31ஆம் தேதி முதல் படப்பிடிப்பு தொடங்க இருக்கிறது.