மலையாள சினிமாவின் நுழையும் இளம் இசையமைப்பாளர் !

தமிழ் சினிமாவில் தனக்கெனத் தனிபாணியைக் கைக்கொண்டு இசையமைத்து வருபவர் இசையமைப்பாளர் சந்தோஷ் நாராயணன். இவர் தற்போது மலையாள சினிமாவில் நுழையவுள்ளதாகத் தகவல்கள் வெளியாகிறது.

தமிழ் சினிமாவில் அட்டகத்தி என்ற திரைப்படத்தின் மூலம் இசையமைப்பாளராக அறிமுகமானவர் சந்தோஷ் நாராயணன். இவர் குக்கூ, கபாலி,  காலா, மெட்ராஸ் உள்ளிட்ட படங்களில் தனது சிறந்த இசையைக் கொடுத்து ரசிகர்களை மகிழ்வித்துள்ளார்.

இந்நிலையில், தமிழ் சினிமாவில் இருந்து முதன் முதலாக சந்தோஷ் நாராயணன் மலையாள சினிமாவில் நுழையவுள்ளார்.

அன்வேஷிப்பின் கண்டெத்தும்( விசாரித்தால் கண்டுபிடிக்கலாம்) என்ற படத்தின் மூலம் இச்சாதனையைப் படைத்துள்ளார் அவர்.

இப்படத்தின் டொவினோ தாமஸ் ஹீரோவாக நடிக்கவுள்ளார். இப்படத்தை அறிமுக இயக்குநர் டார்வின் சூரியாகோஷ் என்பவர் இயக்கவுள்ளது குறிப்பிடத்தக்கது.