மகான் படத்தில் வாணி போஜன் காட்சிகள் நீக்கப்பட்டது ஏன்? கார்த்திக் சுப்பராஜ் அளித்த விளக்கம்!

மகான் படத்தில் இரண்டு கதாநாயகிகளில் ஒருவராக நடிக்க ஒப்பந்தம் செய்யப்பட்டவர் வாணி போஜன். ஆனால் அவர் காட்சி ஒன்று கூட படத்தில் இடம்பெறவில்லை.

விக்ரம், துருவ் விக்ரம், பாபி சிம்ஹா, சனத் மற்றும் சிம்ரன் நடிப்பில் இன்று வெளியான மகான் திரைப்படம் ரசிகர்கள் இடையே கலவையான விமர்சனங்களைப் பெற்றுவருகிறது. இது எல்லாவற்றையும் விட பெரிய ஏமாற்றமாக படத்தில் வாணிபோஜனை எதிர்பார்த்த ரசிகர்களுக்கு ஏற்பட்டுள்ளது.

இந்த படத்தின் இரண்டு கதாநாயகிகளில் ஒருவராக வாணிபோஜன் ஒப்பந்தம் செய்யப்பட்டார். அவருக்கு முக்கியமான வேடம் எனவும் படக்குழுவினர் விளம்பரப்படுத்தினர். ஆனால் படத்தில் இன்று ஒரு காட்சியில் கூட வாணிபோஜனைக் காணவில்லை. இது குறித்து ஏமாற்றமடைந்த ரசிகர்கள் மீம்ஸ்களாகவும் ட்ரோல்களாகவும் சமூகவலைதளங்களில் பகிர்ந்து வருகின்றனர்.

இந்நிலையில் வாணி போஜன் காட்சிகள் பற்றி பேசியுள்ள இயக்குனர் கார்த்திக் சுப்பராஜ் ‘இரண்டாம் பாதியில் விக்ரம்மின் காதலியாக வாணி போஜன் சில காட்சிகள் படமாக்கி இருந்தார். ஆனால் ஊரடங்கு காரணமாக அவரின் மீதிக் காட்சிகளைப் படமாக்க முடியவில்லை. அதனால் எடுத்த சில காட்சிகளை நீக்கினோம்’ எனக் கூறியுள்ளார்.