முன்னாள் முதல்வர் ஜெயலலித மரணம் அடைந்ததை அடுத்து, நடிகர் விஜய் நடித்து வரும் பைரவா படத்தின் இசை வெளியீட்டு விழா மிகவும் எளிமையாக நடைபெறவுள்ளதாக தகவல் வெளியாகியுள்ளது.
‘அழகிய தமிழ் மகன்’ படத்தை இயக்கிய பரதன் தற்போது நடிகர் விஜய்யை வைத்து ‘பைரவா’ படத்தை இயக்கி வருகிறார். அதில் கீர்த்தி சுரேஷ், சதீஷ் உள்ளிட்ட நடிகர்கள் நடித்துள்ளனர். இத்திரைப்படம் வரும் பொங்கல் அன்று வெளியாகவுள்ளது.
இப்படத்திற்கு சந்தோஷ் நாராயணன் இசையமைத்துள்ளார். முதலில், இப்படத்தின் இசை வெளியீட்டு விழாவை பிரமாண்டமாக நடத்த திட்டமிட்டிருந்தார்கள்.
ஆனால், தமிழக முதல்வர் ஜெயலலிதாவின் மரணத்தை அடுத்து, அந்த திட்டத்தை கை விட்டு விட்டார்கள். விழாவை மிகவும் எளிமையாக விழாவை நடத்துங்கள் என விஜய் கூறிவிட்டாராம்.
எனவே பைரவா படத்தின் இசை வெளியீட்டு விழா விரைவில் மிகவும் எளிமையாக நடக்கும் என எதிர்பார்க்கப்படுகிறது.