சுசி கணேசன் இயக்கியுள்ள ‘திருட்டுப்பயலே 2’, நவம்பர் முதல் வாரத்தில் ரிலீஸாகிறது.
சுசி கணேசன் இயக்கத்தில் 2006ஆம் ஆண்டு ரிலீஸான படம் ‘திருட்டுப் பயலே’. ஜீவன், அப்பாஸ், சோனியா அகர்வால், மாளவிகா, விவேக் உள்ளிட்ட பலர் இந்தப் படத்தில் நடித்திருந்தனர். இந்தப் படத்தை ஏஜிஎஸ் எண்டெர்டெயின்மெண்ட்ஸ் நிறுவனம் தயாரித்திருந்தது. 7 கோடி ரூபாய் செலவில் எடுக்கப்பட்ட இந்தப் படம், 40 கோடி ரூபாயை வசூலித்துக் கொடுத்தது.
11 வருடங்களுக்குப் பிறகு, இந்தப் படத்தின் இரண்டாம் பாகம் தயாராகியுள்ளது. இந்தப் படத்தையும் ஏஜிஎஸ் நிறுவனமே தயாரித்துள்ளது. பாபி சிம்ஹா, அமலா பால், பிரசன்னா ஆகியோர் நடித்துள்ளனர். கள்ளக்காதலைப் பற்றிய படம் என்பதால், இந்தப் படத்துக்கு ஏகப்பட்ட எதிர்பார்ப்பு இருக்கிறது. இந்நிலையில், நவம்பர் முதல் வாரத்தில் இந்தப் படம் ரிலீஸாகும் என ஏஜிஎஸ் நிறுவனம் தெரிவித்துள்ளது.