தங்கலான் படத்தில் விக்ரம்முக்கு இரட்டை வேடமா?... சஸ்பென்ஸாக வைத்திருக்கும் படக்குழு!

இயக்குனர் பா ரஞ்சித் இயக்கத்தில் கிட்டத்தட்ட இரண்டு ஆண்டுகளுக்கும் மேலாக உருவாக்கத்தில் உள்ள தங்கலான் படத்தின் மீதான எதிர்பார்ப்பு அதிகமாக உள்ளது. சமீபத்தில் வெளியான படத்தின் டீசர் மற்றும் பாடல்கள் ஆகியவை அந்த எதிர்பார்ப்புக்கு தீனி போடுபவையாக அமைந்துள்ளன. படம் ஆகஸட் 15 ஆம் தேதி ரிலீஸாகவுள்ளது.

இந்த படத்தில் விக்ரம், பார்வதி, பசுபதி மற்றும் மாளவிகா மோகனன் முக்கிய வேடத்தில் நடிக்க, ஜி வி பிரகாஷ் இசையில் ஸ்டுடியோ க்ரீன் ஞானவேல் ராஜா தயாரித்துள்ளார். கோலார் தங்கவயலில் வேலை செய்த தமிழர்களைப் பற்றிய படமாக தங்கலான் உருவாகியுள்ளதாக தெரிகிறது.

இந்நிலையில் படம் பற்றி இப்போது ஒரு சுவாரஸ்யமான தகவல் வெளியாகியுள்ளது. படத்தில் விக்ரம் இரட்டை வேடத்தில் நடித்துள்ளதாகவும், அதைப் படக்குழு சஸ்பென்ஸுக்காக மறைத்து வைத்துள்ளதாகவும் சொல்லப்படுகிறது.