தமிழ் உள்பட பல மொழி திரைப்படங்களில் நடித்துள்ள நடிகர் பிரகாஷ்ராஜ் தெலுங்கு நடிகர் சங்க தேர்தலில் போட்டியிட எதிர்ப்பு கிளம்பியதால் பெரும் பரபரப்பு ஏற்பட்டுள்ளது
தெலுங்கு நடிகர் சங்க தேர்தலில் நடிகர் பிரகாஷ்ராஜ் போட்டியிடுகிறார். அவரை எதிர்த்து நடிகை ஜீவிதா தெலுங்கு நடிகர் மனோஜ் மஞ்சு ஆகியோர் போட்டியிடுகின்றனர். இந்த நிலையில் கர்நாடகாவை சேர்ந்த பிரகாஷ்ராஜ் தெலுங்கு நடிகர் சங்க தேர்தலில் எப்படி போட்டியிடலாம் என ஒரு பிரிவினர் எதிர்ப்பு தெரிவித்ததால் பெரும் பரபரப்பு ஏற்பட்டுள்ளது
ஆனால் அதே நேரத்தில் தெலுங்கு நடிகர் சங்க தேர்தலில் போட்டியிடும் பிரகாஷ்ராஜுக்கு முக்கிய நடிகர்கள் எதிர்ப்பு தெரிவித்தாலும் ஒரு சிலர் ஆதரவு தெரிவித்து வருகின்றனர். பிரகாஷ்ராஜ் தெலுங்கு மக்களுக்கு நிறைய உதவி செய்துள்ளார் என்றும் அவர்கள் கன்னடராக இருந்தாலும் ஐதராபாத்தில் ஒரு கிராமத்தையே தத்தெடுத்துள்ளார் என்றும் எனவே அவரை கன்னடர் என்று பிரித்து வேறுபடுத்த கூடாது என்றும் சிலர் தெரிவித்து வருகின்றனர்.
இந்த நிலையில் பிரகாஷ்ராஜ் தமிழ் திரைப்பட தயாரிப்பாளர் சங்க தேர்தலில் போட்டியிட்டபோது தமிழகத்தில் யாரும் எதிர்ப்பு தெரிவிக்கவில்லை என்பது குறிப்பிடத்தக்கது.