எல்லா படத்துலயும் ஒன்னா நடிச்சா இப்படித்தான் ஆகும்

தமிழில் நயன்தாரா நடித்து வெளிவர இருக்கும் படம் ‘கொலையுதிர் காலம்’. இந்த படத்தின் ஹிந்தி ரீமேக்கான ‘காமோஷி’யில் நயன்தாராவுக்கு பதிலாக தமன்னா நடிக்கிறார். இந்த படத்தில் பிரபு தேவாவும் நடித்திருக்கிறார். இதே தமன்னா-பிரபுதேவா கூட்டணியில் ஹிட் அடித்த தேவி படத்தின் இரண்டாம் பாகமும் தற்போது ரிலீஸுக்கு தயாராக உள்ளது.

இந்நிலையில் கமோஷி, தேவி-2 இரண்டு படங்களுமே மே 31ல் ரிலீஸாக இருப்பதாக தகவல்கள் வெளிவந்தன. இரண்டு படங்களும் ஒரே நாளில் ரிலீஸானால் இரண்டிலுமே தமன்னா-பிரபுதேவா நடித்திருப்பதால் ரசிகர்களுக்கு குழப்பங்கள் ஏற்படும். இது இரண்டு படத்தின் வசூலிலுமே பாதிப்பை ஏற்படுத்தும் என ஒருவழியாக பேசி காமோஷி படத்தை ஜூன் 14 அன்று ரிலீஸ் செய்வதாகவும், தேவி2 மே 31ல் ரிலீஸ் செய்வதாகவும் முடிவு செய்துள்ளனர்.

ஒருவேளை தேவி 2 சரியாக ஓடவில்லை என்றால் அதே ஜோடி நடித்துள்ள காமோஷி படத்திற்கு வரவேற்பு கிடைக்குமா என காமோஷி குழு கவலையோடு இருக்கிறது.