தமிழ் சினிமாவில் மீண்டுமொரு ஸ்ட்ரைக் வர இருக்கிறதா? தயரிப்பாளர்கள் ஆலோசனை!

சமீபகாலமாக ஓடிடி மற்றும் தொலைக்காட்சி ஆகியவை படங்களை அதிகளவில் வாங்குவதில்லை. முன்னணி நடிகர்களின் படங்களைக் கூட முன்பு வாங்கியதை விடக் குறைவான விலையிலேயே வாங்குவதாக ஒரு தகவல் பரவி வருகின்றது.

ஆனால் தமிழ் சினிமாவில் உச்சத்தில் இருக்கும் நடிகர் நடிகைகள் மற்றும் தொழில்நுட்பக் கலைஞர்களின் சம்பளம் இன்னும் குறையாமல் அதே உச்சத்தில்தான் உள்ளது. இதனால் தயாரிப்பாளர்களுக்கு படம் எடுத்து லாபம் பார்ப்பது என்பது குதிரைக் கொம்பாக மாறிவருவதாக புலம்புகின்றனர்.

இந்நிலையில்தான் தமிழ் சினிமாவில் தற்போது படத்தயாரிப்பில் ஈடுபடும் தயாரிப்பாளர்கள் ஒன்றுசேர்ந்து இன்னும் சில நாட்களில் வேலை நிறுத்தத்தை அறிவிக்கப்போவதாக சொல்லப்படுகிறது. அதிகாரப்பூர்வமாக வேலை நிறுத்தம் என அறிவிக்காமல் தயாரிப்பாளர்கள் ஒரு சிறிய இடைவெளி எடுத்துக் கொண்டு அடுத்தது என்ன செய்யவேண்டும் என்பதை ஆலோசிக்க வேண்டுமென அறிவிக்க உள்ளதாக சொல்லப்படுகிறது.