குக்கூ, ஜோக்கர் ஆகிய திரைப்படங்களை இயக்கிய ராஜு முருகன், தோழா, மெஹந்தி சர்க்கஸ் ஆகிய திரைப்படங்களுக்கு வசனம் எழுதியுள்ளார். அதையடுத்து அவர் ஜீவாவை வைத்து இயக்கியுள்ள ஜிப்ஸி திரைப்படம் வெளியாகி எதிர்பார்த்த வெற்றியை பெறவில்லை.
இதையடுத்து அவர் கார்த்தியின் 25 ஆவது படமான ஜப்பான் படத்தை இயக்கினார். பெரும் எதிர்பார்ப்புகளுக்கு மத்தியில் ரிலீஸ் ஆன அந்த படம் கார்த்தியின் சினிமா வாழ்க்கையில் மிக மோசமான தோல்வியைப் பெற்றது. ஜப்பான் படத்தைப் பார்த்த ரசிகர்கள் கார்த்தியின் நடிப்பையும், ராஜு முருகனின் திரைக்கதையையும் மோசமாக விமர்சித்தனர்.
ஜப்பான் தோல்வியில் இருந்து வெளியே வந்த ராஜு முருகன் அடுத்த படத்துக்கு தயாரானார். அவரின் அடுத்த படத்தில் எஸ் ஜே சூர்யா கதாநாயகனாக நடிக்க உள்ளார் என சொல்லப்பட்டது. இந்த படத்தை ஒலிம்பியா பிக்சர்ஸ் அம்பேத்குமார் தயாரிக்க உள்ளதாக சொல்லப்படுகிறது.
ஆனால் இப்போது ராஜு முருகன் படத்தில் இருந்து எஸ் ஜே சூர்யா விலகி விட்டாராம். அவருக்கு பதில் அர்ஜுன் தாஸ் அந்த படத்தில் நடிக்க ஒப்பந்தம் ஆகியுள்ளதாக சொல்லப்படுகிறது.
