ஷங்கர் இயக்கத்தில் சூப்பர் ஸ்டார் ரஜினிகாந்த், அக்ஷய் குமார், எமி ஜாக்சன் நடித்து வரும் படம் 2.0. இப்படத்தை லைக்கா நிறுவனம் தயாரித்து வருகிறது.
இப்படத்தில் இயக்குனர் ஷங்கரின் பேச்சை கேட்காமல் பார்ட்டிகளுக்கு செல்லும்போது ஃபோட்டோக்களை கசிய விடுதல், ஆபாச போஸ் கொடுத்து சர்ச்சையில் சிக்குதல் என்று ஷங்கரை கோவப்படுத்தி வருகிறார் எமி.
இந்நிலையில் பீட்டா என்ற புதிய சர்ச்சையை கொண்டுவந்துள்ளார் எமி. தமிழ்நாட்டில் ஜல்லிக்கட்டுக்கு தடை விதிப்பதில் பீட்டா அமைப்பினர் ஆர்வம் காட்டியது குறிப்பிடத்தக்கது.
ஏற்கனவே சூப்பர் ஸ்டார் ரஜினிகாந்த் மகள் சவுந்தர்யா விலங்கு நல வாரியத்துக்கு தூதராக நியமிக்கப்பட்ட போதே எதிர்ப்புகள் கிளம்பின.
இப்போது எமி ஜாக்சன் பீட்டா அமைப்புக்காக ஒரு ஆல்பம் உருவாக்கி அதில் நடித்தும் கொடுத்திருக்கிறார். விரைவில் இது வெளியாகவுள்ளது.
இதன் காரணமாக ரஜினியின் 2.0 படத்திற்கு எதிர்ப்பு தெரிவித்து இப்போதே குரல் கொடுக்கத் தொடங்கியுள்ளனர்.
