சல்மான் கானும், பிரபாஸும் ஒரே படத்தில் இணைந்து நடிப்பதாக கூறப்படுகிறது.
‘பாகுபலி’யின் வெற்றி, உலக சினிமா அரங்கில் பிரபாஸைக் கொண்டு சேர்த்திருக்கிறது. குறிப்பாக, பாலிவுட்டில் அவரை வைத்துப் படம் இயக்க பலரும் ஆசைப்படுகின்றனர். இயக்குநரும், தயாரிப்பாளருமான ரோகித் ஷெட்டியின் படத்தில், பிரபாஸ் நடிக்க இருப்பதாக கூறப்படுகிறது.
இந்தப் படத்தில், சல்மான் கானும் நடிக்கிறாராம். தற்போது, தன்னுடைய ‘ட்யூப்லைட்’ படத்துக்காக தீவிர புரமோஷனில் ஈடுபட்டு வருகிறார் சல்மான். ‘பாகுபலி’யின் பிரமாண்ட வெற்றியால், பாலிவுட்டின் கான் நடிகர்கள் பொறாமையில் இருப்பதாக கூறப்பட்டது. இந்நிலையில், பிரபாஸுடன் சேர்ந்து சல்மான் கான் நடிப்பாரா என்பது கேள்விக்குறி தான் என்கிறார்கள்.