ரஜினிகாந்த் பிறந்த நாளன்று முக்கிய அறிவிப்பு வெளியாகுமா என ரசிகர்கள் ஆர்வத்துடன் காத்திருக்கின்றனர்.
ரஜினிகாந்த் பிறந்த நாள், வருகிற 12ஆம் தேதி கோலாகலமாக கொண்டாடப்பட இருக்கிறது. தன்னுடைய பிறந்த நாளன்று ரசிகர்களைச் சந்திப்பேன் என்று கூறியுள்ள ரஜினி, எங்கு, எப்போது சந்திப்பேன் என்று இதுவரை அறிவிக்கவில்லை.
கமல்ஹாசன், விஷால் போன்றவர்கள் கூட அரசியலுக்கு வந்துவிட்ட நிலையில், ரஜினி எப்போது வருவார் என எல்லோரும் ஆர்வத்துடன் காத்திருக்கின்றனர். கடந்த முறை ரசிகர்களைச் சந்தித்தபோது, ‘போர் வரும்போது பார்த்துக் கொள்ளலாம்’ என்றார் ரஜினி.
ஜெயலலிதா இல்லாத வெற்றிடத்தை, கடந்த ஒரு வருடத்தில் யாராலும் நிரப்ப முடியவில்லை. எனவே, ரஜினி அரசியலில் இறங்க இதுவே சரியான தருணம் என எல்லோரும் ஆர்வத்துடன் காத்திருக்கின்றனர். எனவே, இந்த பிறந்த நாளில் அரசியல் அறிவிப்பை வெளியிட்டால்தான் ரஜினியால் அரசியலில் காலூன்ற முடியும். எனவே, எப்படியாவது அரசியல் அறிவிப்பை வெளியிட வேண்டுமென ஆர்வத்துடன் காத்திருக்கின்றனர் ரஜினி ரசிகர்கள்.