ஒரு பாடலுக்கு நடனமாட நான் என்ன சிலுக்கா? : கொதிந்தெழுந்த பவர் ஸ்டார்

தமிழ் சினிமாவில் பவர்ஸ்டார் என்று அழைக்கபடும் நடிகர் சீனிவாசன், திரைப்படங்களில் ஒரு பாடலுக்கு நடனமாட தன்னை அழைப்பது பற்றி கருத்து தெரிவித்துள்ளார்.

‘பாண்டியும் சகாக்களும்’ என்ற படத்தின் டிரெய்லர் மற்றும் பாடல்கள் வெளியீட்டு விழா இன்று நடந்தது. அதில் சிறப்பு விருந்தினராக பவர்ஸ்டார் கலந்து கொண்டு பேசியதாவது : 

என்னை பற்றி நிறைய வதந்திகள் வந்து கொண்டிருக்கிறது. ஆனால், எதைப்பற்றியும் கவலைப்படாமல் சினிமாவில் நான் முன்னேறிக் கொண்டே இருப்பேன். கலைத்தாய் என்னை தத்தெடுத்துக் கொண்டிருக்கிறாள்..

என்னை ஒரு பாட்டுக்கு நடனமாட அழைக்கிறார்கள். நான் என்ன சிலுக்கா?.. என்று அவர்களிடம் கேட்கிறேன். ஆனாலும், நான் ஆடினால், படம் வெற்றி பெறும் என நினைக்கிறார்கள். அவர்களின் நம்பிக்கையை நான் கெடுக்க விரும்பவில்லை.

என்று அவர் பேசினார்.