பிரபல இயக்குனர் செல்வராகவன் இயக்கிய 'நெஞ்சம் மறப்பதில்லை' திரைப்படத்தின் படப்பிடிப்பு மற்றும் போஸ்ட் புரடொக்ஷன்ஸ் பணிகள் முடிந்து ரிலீசுக்கு தயாராக இருந்த போதிலும் அடுத்தடுத்து படங்கள் தொடர்ந்து ரிலீஸ் ஆகி கொண்டிருந்ததால் சரியான ரிலீஸ் தேதிகாக காத்திருந்தது.
இந்த நிலையில் 'நெஞ்சம் மறப்பதிலை' திரைப்படம் வரும் ஜூன் மாதம் வெளியாகும் என்று செல்வராகவன் தனது டுவிட்டரில் அதிகாரபூர்வமாக அறிவித்துள்ளார். இதை உறுதி செய்யும் வகையில் 'ஜூன் வெளியீடு' என்ற வாசகத்துடன் கூடிய புதிய போஸ்டர் ஒன்றையும் அவர் வெளியிட்டுள்ளார்.
எஸ்.ஜே.சூர்யா, ரெஜினா, நந்திதா ஸ்வேதா உள்பட பலர் நடித்துள்ள இந்த திரைப்படத்திற்கு யுவன்ஷங்கர் ராஜா இசையமைத்துள்ளார். பிரபல இயக்குனர் கவுதம் மேனனின் 'ஒன்றாக எண்டர்டெயின்மெண்ட்' நிறுவனம் தயாரித்துள்ள இந்த படத்திற்கு அரவிந்த் கிருஷ்ணா ஒளிப்பதிவும், பிரசன்னா படத்தொகுப்பு பணிகளையும் செய்துள்ளனர்.