மாரி 2' ஸ்டார்ட் ஆயிருச்சு: தனுஷ் ரசிகர்கள் மகிழ்ச்சி

இயக்குனர் பாலாஜி மோகன் இயக்கத்தில் தனுஷ், காஜல் அகர்வால் நடித்த 'மாரி' திரைப்படம் நல்ல வரவேற்பை பெற்ற நிலையில் தனுஷின் ரசிகர்கள் கடந்த சில மாதங்களாகவே இந்த படத்தின் இரண்டாம் பாகத்தை எதிர்பார்த்து காத்திருப்பதாக டுவிட்டர் மூலம் வேண்டுகோள் விடுத்தனர்

ரசிகர்களின் வேண்டுகோளை ஏற்றுக்கொண்ட இயக்குனர் பாலாஜி மோகன் மற்றும் தனுஷ், விரைவில் 'மாரி 2' படம் உருவாகும் என்று அறிவித்தனர்.

இந்த நிலையில் இன்று இயக்குனர் பாலாஜி மோகன் 'மாரி 2' படம் குறித்த அறிவிப்பை தனது டுவிட்டரில் வெளியிட்டுள்ளார். இந்த படத்தின் பூஜை எளிமையாக நடந்து முடிந்துவிட்டதாகவும், விரைவில் படப்பிடிப்பு தொடங்கும் என்றும் அறிவித்துள்ளார்.

தனுஷ், காஜல் அகர்வால் ஆகியோர் 'மாரி 2' படத்திலும் நடிப்பது உறுதி செய்யப்பட்டுள்ள நிலையில் மற்ற நடிகர், நடிகைகள் தேர்வு நடந்து வருவதாகவும் இந்த படத்தின் முழு விபரன்களும் மிக விரைவில் அறிவிக்கப்படும் என்றும் படக்குழுவினர் தெரிவித்துள்ளனர்.