ஒரே நாளில் 4 மில்லியன் பார்வைகள்… தனுஷ் பாடல் செய்த சாதனை!

தனுஷ் நடித்துள்ள மாறன் படத்தின் பாடல் இணையத்தில் வெளியாகி நல்ல வரவேற்பைப் பெற்றுள்ளது.

தனுஷ் நடித்து முடித்துள்ள ‘மாறன்’ திரைப்படம் அடுத்த மாதம் ஹாட் ஸ்டார் ஓடிடியில் ரிலீசாக இருக்கும் நிலையில் இந்த படத்தில் இடம்பெற்ற பாடல் ஒன்றின் வீடியோ தற்போது வெளியாகியுள்ளது. தனுஷ் செம ஆட்டம் போட்டுள்ள இந்த பாடல் தனுஷின் அறிமுக பாடலாக இருக்கலாம் என கருதப்படுகிறது. பொல்லாத உலகம் என்று தொடங்கும் இந்த பாடலை தனுஷ் மற்றும் தெருகுரல் அறிவு பாடி உள்ளனர் என்பதும் ஜிவி பிரகாஷ் இசையமைப்பில் உருவான இந்த பாடலை விவேக் எழுதியுள்ளார் என்பதும் குறிப்பிடத்தக்கது.

நல்ல வரவேற்பைப் பெற்றுள்ள இந்த பாடல் வெளியான 24 மணிநேரத்துக்குள் 40 லட்சம் பார்வையாளர்களைக் கடந்துள்ளது. இதுவரை வெளியான தமிழ் பாடல்களில் குறுகிய காலத்தில் அதிக பார்வையாளர்களால் பார்க்கப்பட்ட பாடலாக சாதனைப் படைத்துள்ளது. இதுவரை மொத்தமாக 70 லட்சம் பேரால் பார்க்கப்பட்டுள்ளது.