இறுதிக் கட்டத்தை நெருங்கிய ‘சர்தார் 2’… அடுத்த படத்தில் கவனம் செலுத்தும் கார்த்தி!

கார்த்தி நடிப்பில் பி.எஸ்.மித்ரன் இயக்கி 2022 ஆம் ஆண்டு வெளியான திரைப்படம் சர்தார்.  இந்த படத்தில் கார்த்தி போலீஸ் அதிகாரி, உளவாளி என இரட்டை வேடங்களில் நடித்திருந்தார். இந்த படம் திரையரங்குகளில் வெளியாகி பெரும் ஹிட் அடித்தது. கார்த்தியின் சினிமா கேரியரில் அதிக வசூல் செய்த படமாக அமைந்தது.

இதையடுத்து கடந்த ஆண்டு இறுதியில் சர்தார் 2 படத்தின் ஷூட்டிங் தொடங்கி தற்போது சென்னையில் விறுவிறுப்பாக நடந்து வருகிறது. இந்த படத்துக்காக 1970 களில் பயன்பாட்டில் இருந்த விமானம் ஒன்று சென்னையில் உள்ள ஒரு ஸ்டுடியோவில் உருவாக்கப்பட்டு அதில் முக்கியக் காட்சிகள் படமாக்கப்பட்டுள்ளன. படத்தில் எஸ் ஜே சூர்யா பிரதான வில்லன் கதாபாத்திரத்தில் நடிக்கிறார்.

இந்நிலையில் இந்த படத்தின் ரிலீஸ் ஆகஸ்ட் மாதத்தில் இருக்கும் என தகவல்கள் வெளியாகியுள்ளன. மேலும் படத்தின் டீசர் மே 25 ஆம் தேதி கார்த்தியின் பிறந்தநாளை முன்னிட்டு ரிலீஸாகும் என சொல்லப்படுகிறது. அதற்கு முன்பாக மார்ச் மாதமே மொத்தக் காட்சிகளையும் படமாக்கி முடிக்கவுள்ளதாம் படக்குழு. அதன் பின்னர் ஏப்ரல் மாதத்தில் இருந்து கார்த்தி  டாணாக்காரன்’ தமிழ் இயக்கும் ‘கார்த்தி 29’ படத்தில் நடிக்கவுள்ளாராம்.