காலா படப்பிடிப்பு மும்பையில் இருந்து சென்னைக்கு மாற்றம்?: பூந்தமல்லியில் செட் போட்டு எடுக்க திட்டம்?

ரஞ்சித் இயக்கத்தில் ரஜினி நடிக்கும் காலா கரிகாலன் திரைப்படத்தின் படப்பிடிப்பு மும்பையில் நடந்து வருகிறது. இந்நிலையில் இந்த படத்தின் படப்பிடிப்பு மும்பையிலிருந்து சென்னைக்கு மாற்றப்பட உள்ளதாக தகவல்கள் வருகின்றன.

கடந்த சில தினங்களுக்கு முன்னர் காலா திரைப்படத்தில் ரஜினி நடிக்கும் வீடியோ படப்பிடிப்பு தளத்தில் திருட்டுத்தனமாக எடுக்கப்பட்டு இணையத்தில் வெளியிடப்பட்டது. இதனை பார்த்த படக்குழு அதிர்ச்சியடைந்தது.

இந்நிலையில் இதனை தவிர்க்க மும்பையில் இருந்து படப்பிடிப்பை சென்னைக்கு மாற்ற உள்ளதாகவும், இந்த படப்பிடிப்பு சென்னை பூந்தமல்லியில் மும்பையை போல செட் போட்டு எடுக்கப்பட உள்ளதாக தகவல்கள் வருகின்றன. அதற்கான பணிகள் ஆரம்பிக்கப்பட்டு அடுத்த வாரமே சென்னையில் படப்பிடிப்பு நடக்க வாய்ப்புள்ளதாக கூறப்படுகிறது.