ஜுன் 9 கபாலி இசை வெளியீடு...?

தாணு தயாரிப்பில் ரஞ்சித் இயக்கியிருக்கும் கபாலி படத்தின் பாடல்கள் வெளியீட்டு விழா ஜுன் 9 -ஆம் தேதி நடைபெறும் என கூறப்படுகிறது.

ரஜினி நடித்துள்ள கபாலிக்கு உலகம் முழுவதும் உள்ள தமிழர்கள் மத்தியில் எதிர்பார்ப்பு நிலவுகிறது. சமீபத்தில் வெளியான டீசரை இரண்டு கோடிக்கும் அதிகமானவர்கள் பார்த்துள்ளனர். கபாலியின் பாடல்களை ஜுன் 10 -ஆம் தேதிக்குள் வெளியிட முயற்சி மேற்கொண்டிருப்பதாக தாணு கூறியிருந்தார். இந்நிலையில், கபாலி படத்தின் பாடல்களை ஜுன் 9 வெளியிடவிருப்பதாக உறுதி செய்யப்படாத தகவல்கள் கூறுகின்றன.

கபாலிக்கு சந்தோஷ் நாராயணன் இசையமைத்துள்ளார். திங்க் மியூஸிக் கபாலியின் தமிழ், தெலுங்கு மற்றும் இந்தி இசை உரிமையை வாங்கியுள்ளது.