ஜெயம் ரவி நடிக்க இருக்கும் 32 வது திரைப்படமாக ஜீனி என்ற திரைப்படம் அறிவிக்கப்பட்டுள்ளது. தமிழ் திரை உலகின் பிரபல தயாரிப்பு நிறுவனமான வேல்ஸ் பிலிம்ஸ் இன்டர்நேஷனல் நிறுவனத்தின் 25 ஆவது படமான இந்த படத்தை அர்ஜுனன் என்பவர் இயக்கி வருகிறார்.
ஏஆர் ரஹ்மான் இசையில் மகேஷ் முத்துச்செல்வன் ஒளிப்பதிவில் இந்த படம் உருவாகி வருகிறது. பேன் இந்தியா படமாக உருவாகி வரும் இந்த படம் 100 கோடி ரூபாய் பட்ஜெட்டில் உருவாகி வருவதாக சொல்லப்படுகிறது. இந்த படம் ஒரு பேண்டஸி திரைப்படமாக உருவாகி வருவதாக சொல்லப்படுகிறது.
இந்த படத்தின் முதல் லுக் போஸ்டர் சமீபத்தில் ரிலீசாகி கவனம் பெற்றது. இந்த படம் பற்றி பேசியுள்ள இயக்குனர் அர்ஜுனன் “வன்முறை, ரத்தம், போதை இதெல்லாம் இல்லாமல் குடும்ப உறவுகளுக்கு முக்கியத்துவம் உள்ள படமாக ஜீனி இருக்கும். குறிப்பாக பெண் கதாபாத்திரங்களுக்கான முக்கியத்துவம் அதிகமாக இருக்கும்” எனக் கூறியுள்ளார். படத்தில் க்ரீத்தி ஷெட்டி, கல்யாணி பிரியதர்ஷன், வாமிகா கபி ஆகிய மூன்று கதாநாயகிகள் நடிக்கின்றனர்.