சிம்பு நடித்துள்ள ‘ஏஏஏ’ படத்தின் விநியோக உரிமையை வாங்கியுள்ளது ஜாஸ் சினிமாஸ்.
சிம்பு நடிப்பில் ஆதிக் ரவிச்சந்திரன் இயக்கியுள்ள படம் ‘அன்பானவன் அசராதவன் அடங்காதவன்’. சிம்பு நான்கு வேடங்களில் நடித்துள்ள இந்தப் படத்தில், அவருக்கு ஜோடியாக நான்கு ஹீரோயின்கள் நடித்துள்ளனர். ஆனால், ஸ்ரேயா சரண், தமன்னா, சனா கான் என மூன்று ஹீரோயின் பெயர்களை மட்டுமே இதுவரை வெளியிட்டுள்ளனர். மைக்கேல் ராயப்பன் தயாரித்துள்ள இந்தப் படத்துக்கு, யுவன் சங்கர் ராஜா இசையமைத்துள்ளார்.
இரண்டு பாகங்களாக உருவாகியுள்ள இந்தப் படத்தின் முதல் பாகம், ரம்ஜான் தினத்தன்று ரிலீஸாக இருக்கிறது. இதனால், இந்தப் படத்தின் திரையரங்கு உரிமை முழுவதுமாக விற்றுவிட்டது. அதன் சென்னை உரிமையை, ஜெயலலிதாவுக்குச் சொந்தமான ஜாஸ் சினிமாஸ் வாங்கியுள்ளது.