ஒடுக்கப்படுவதும், நசுக்கப்படுவதும் ஏற்றுக்கொள்ளமுடியாது - விஜய் சேதுபதி காட்டம்!

தமிழ்நாடு முதலமைச்சர் மு.க. ஸ்டாலின் அவர்களின் "70 ஆண்டு கால சரித்திர சாட்சியம்  எங்கள் முதல்வர் எங்கள் பெருமை"  என்ற தலைப்பில் புகைப்படக் கண்காட்சி  மதுரை யாதவா ஆண்கள் கல்லூரி எதிரில் உள்ள மேனேந்தல் மைதானத்தில் கடந்த 9 நாட்களாக நடைபெற்று வருகிறது. 10வது நாள் நிறைவு நாளான இன்று மக்கள் செல்வன் நடிகர் விஜய்சேதுபதி சிறப்பு விருந்தினராக கலந்துக்கொண்டு பார்வையிட்டார்.

பின்னர் செய்தியாளர்களை சந்தித்த போது, ரோகினி திரையரங்கில் சிம்புவின் பத்து தல படம் பார்க்க வந்த நரிக்குறவர்களை உள்ளே அனுமதிக்க மறுப்பு தெரிவித்த சம்பவம் குறித்து கேள்விக்கு பதிலளித்த அவர்,   எங்கேயும், எப்போதும் இன்னொரு மனிதன் ஒடுக்கப்படுவதும், நசுக்கப்படுவதும் ஏற்றுக்கொள்ள முடியாது. இந்த பூமி அனைத்து மனிதர்களும் ஒன்றாக வாழ்வதற்காக படைக்கப்பட்டு உள்ளது. அதில் வேற்றுமையை யார், எந்த வகையில் செய்தாலும் ஏற்க முடியாது என்றார்.