'முரட்டுக்குத்து' இயக்குனரின் அடுத்த பட டைட்டில் என்ன தெரியுமா?

சமீபத்தில் வெளிவந்த 'இருட்டு அறையில் முரட்டுக்குத்து' என்ற அடல்ட் படத்தை இயக்கியவர் சந்தோஷ் ஜெயகுமார். இந்த படம் பெரிய ஸ்டார் படங்களுக்கு இணையாக வசூல் பெற்றது. ஏற்கனவே இவர் 'ஹரஹர மகாதேவகி' மற்றும் 'கஜினிகாந்த்' ஆகிய படங்களை இயக்கியவர் என்பது குறிப்பிடத்தக்கது.

இந்த நிலையில் இயக்குனர் சந்தோஷ் தனது அடுத்த படத்தின் டைட்டிலை அறிவித்துள்ளார். 'ஸ்டார்ட் கேமிரா ஆக்சன்' என்பதுதான் இவருடைய அடுத்த படத்தின் டைட்டில். இந்த படத்திலும் கடந்த மூன்று படங்களில் பணிபுரிந்த தொழில்நுட்ப கலைஞர்கள் பணிபுரியவுள்ளனர். அதேபோல் இவர் இயக்கிய மூன்று படங்களை தயாரித்த ஞானவேல்ராஜா அவர்கள்தான் இந்த படத்தையும் தயாரிக்கவுள்ளார்.

இந்த படத்தில் நடிக்க முன்னணி நடிகர் மற்றும் முன்னணி நடிகையிடம் பேச்சுவார்த்தை நடந்து வருவதாகவும், இதுகுறித்த அறிவிப்பு இன்னும் ஓரிரு நாட்களில் வெளிவரும் என்றும் கூறப்படுகிறது. இந்த படமும் அடல்ட் படமா? அல்லது காமெடி படமா? என்பதை இயக்குனர் தெரிவிக்காமல் அமைதி காத்து வருகிறார்.