சமீபத்தில் தமிழ் திரைப்பட தயாரிப்பாளர் சங்கத்தின் தேர்தல் நடந்தபோது, நாங்கள் பொறுப்புக்கு வந்தால் ஒருசில மாதங்களுக்குள் திருட்டு டிவிடி தயாரிப்பாளர்களை கண்டுபிடித்து சட்டத்தின் முன் நிறுத்துவோம் என்று விஷால் சூளுரைத்தார்.
இதன்படி சொன்னபடியே தற்போது திருட்டு டிவிடி மற்றும் ஆன்லைன் பைரசி குற்றவாளிகளை விஷால் கண்டுபிடித்துவிட்டாராம். இந்த தகவலை இன்று நடைபெற்ற 'துப்பறிவாளன்' படத்தின் டீசர் விழாவின்போது விஷால் செய்தியாளர்களிடம் தெரிவித்தார். மேலும் தான் கண்டுபிடித்தவர்களின் முழு விபரங்களை இன்னும் இரண்டு வாரத்தில் வெளிப்படையாக அறிவிக்கவிருப்பதாகவும் அவர் தெரிவித்தார்.
விஷால் கண்டுபிடித்த அந்த திருடர்கள் யார் என்பதை அறிய திரையிலகினர் மட்டுமின்றி பொதுமக்களும் ஆவலுடன் உள்ளனர். ஆனால் அதற்கு இன்னும் இரண்டு வாரங்கள் பொறுமை காக்க வேண்டும் என்பது குறிப்பிடத்தக்கது.