இரட்டை வேடத்தில் ஹன்சிகா நடித்த படம்: ஃபர்ஸ்ட்லுக் - ரிலீஸ் தேதி அறிவிப்பு

பிரபல நடிகை ஹன்சிகா இரட்டை வேடத்தில் நடித்த திரைப்படத்தின் பர்ஸ்ட் லுக் போஸ்டர் மற்றும் ரிலீஸ் தேதி அதிகாரபூர்வமாக அறிவிக்கப்பட்டுள்ளது. 

தமிழ் திரையுலகின் முன்னணி இயக்குனர்களில் ஒருவரான ஆர் கண்ணன் இயக்கத்தில் ஹன்சிகா நடித்துவரும் திரைப்படம் காந்தாரி. இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் ஃபர்ஸ்ட் லுக் போஸ்டர் வெளியாகியுள்ளது. 

இந்த படத்தில் ஹன்சிகா இரண்டு வேடத்தில் நடித்து உள்ளதாகவும் அதில் ஒரு வேடம் பழங்குடியின பெண் வேடம் என்றும் கூறப்படுகிறது. மேலும் இந்த படம் அடுத்த ஆண்டு பிப்ரவரி 23ஆம் தேதி வெளியாகும் என போஸ்டரில் அறிவிக்கப்பட்டு உள்ளது என்பது குறிப்பிடத்தக்கது.

இந்த படம் திரில்லர் கதையம்சம் கொண்ட எமோஷனல் படம் என்றும் இந்த படம் ஹன்சிகாவுக்கு திருப்பத்தை ஏற்படுத்தும் என்றும் இயக்குனர் ஆர். கண்ணன் தெரிவித்துள்ளார். 

ஹன்சிகா நடித்த ’மஹா’ என்ற திரைப்படம் சமீபத்தில் வெளியாகி எதிர்பார்த்த வெற்றியைப் பெறாத நிலையில் இந்த படம் அவருக்கு கைகொடுக்கும் என்று எதிர்பார்க்கப்படுகிறது

Edited by Mahendran